აბორტის სერვისის ლეგალურობის მიუხედავად, მის მისაწვდომობასთან დაკავშირებით საქართველოში უამრავ პრობლემას ვაწყდებით. რთულია იმ სამედიცინო დაწესებულების პოვნა, რომელიც აღნიშნულ სერვისს გასცემს. კანონი გვთხოვს, რომ სერვისს არა ერთხელ, არამედ, ორჯერ მივაკითხოთ . მიუხედავად იმისა, რომ არასასურველი ორსულობის შეწყვეტა სამედიცინო მანიპულაციას საჭიროებს, არ არსებობს არც სახელმწიფო და არც კერძო სადაზღვეო პროგრამა, რომელიც აღნიშნული სამედიცინო მომსახურების საფასურს დაფარავდა.

წინამდებარე სახელმძღვანელო შედგენილია სექსმუშაკთა მხარდამჭერი ქსელების (Butterfly, Maggie's) მიერ, Covid19-ის პანდემიის მოცემულობაში*, და მოიცავს რეკომენდაციებს სექსმუშაკებისთვის, კლიენტებისთვის, მესამე პირებისა და მხარდამჭერებისთვის. თარგმანი ადაპტირებულია "ქალთა ინიციატივების მხარდამჭერი ჯგუფის" მიერ.

წინამდებარე დოკუმენტი წარმოადგენს WISG-ის მიერ 2018 წელს წარმოებული საქმეების ანგარიშს. ანგარიშში წარმოებული საქმეებისა და დოკუმენტირებული შემთხვევების მაგალითზე გაანალიზებულია სექსუალური ორიენტაციის, გენდერული იდენტობისა და გამოხატვის ნიშნით ძალადობისა და დისკრიმინაციის ფაქტებია ასევე მსხვერპლთა მიმართვიანობასთან დაკავშირებული პრობლემებური საკითხები. საანგარიშო პერიოდში განსაკუთრებით აქტუალური იყო ე. წ. „იძულებითი ქამინგ აუთის” შემთხვევები და ტრანსი ადამიანების პერსონალურ მონაცემთა უნებართვო გავრცელება.

აღნიშნული ანგარიში აანალიზებს 2018 წელს საქართველოში ცალკეულ ჯგუფთა თანასწორობის უფლების რეალიზებას და ასახავს დისკრიმინაციასთან ბრძოლის კუთხით არსებულ მდგომარეობას, ძირითად გამოწვევებს, სახელმწიფოს პოლიტიკას, კანონმდებლობასა და პრაქტიკას. დოკუმენტი "კოალიცია თანასწორობისთვის" მიერ მომზადებული რიგით მესამე ანგარიშია, რომელიც მიზნად ისახავს ქვეყანაში ეფექტური ანტიდისკრიმინაციული პოლიტიკის გატარების ხელშეწყობასა და თანასწორობის უზრუნველყოფას.

ქვემოთ მოცემული ანგარიში რიგით მეოთხეა და 2018 წლის 1-ლი იანვრიდან 31 დეკემბრამდე პერიოდს მოიცავს. მასში ასახულია კოალიციაში შემავალი ორგანიზაციების მიერ სახალხო დამცველის აპარატსა და საერთო სასამართლოებში წარმოებული 62 საქმე. ანგარიშში ასევე ნახავთ სტატისტიკურ მონაცემებს საქმეების, მათი სტატუსებისა და შედეგების შესახებ. მეორე თავში კი საუბარია საანგარიშო პერიოდში თანასწორობის კუთხით არსებულ მიღწევებსა და პრობლემებზე.

2010 წელს ევროპის საბჭოს მინისტრთა კომიტეტმა წევრი სახელმწიფოებისათვის მიიღო CM/Rec(2010)5 რეკომენდაცია სექსუალური ორიენტაციისა და გენდერული იდენტობის საფუძველზე დისკრიმინაციის წინააღმდეგ ზომების შესახებ. რეკომენდაცია მოუწოდებს წევრ სახელმწიფოებს, რომ უზრუნველყონ მოცემული ზომებისა და პრინციპების განხორციელება, რაც უზრუნველყოფს ადამიანის უფლებების დაცვას ლგბტი ადამიანებთან მიმართებაში არა მხოლოდ შიდა საკანონმდებლო პირობებში, არამედ მათ პოლიტიკასა და პრაქტიკაშიც.

USAID/PROLoG-ისა და OSGF-ს ერთობლივი მხარდაჭერით მომზადდა ადამიანის უფლებათა დაცვის 2016-2017 წწ. სამთავრობო სამოქმედო გეგმის შესრულების მონიტორინგის ანგარიშები. 17-21 სექტემბრის ადამიანის უფლებათა დაცვის სამოქმედო გეგმის შესრულების მონიტორინგის კვირეულის ფარგლებში, ქალთა ინიციატივების მხარდამჭერმა ჯგუფმა წარადგინა ანგარიში ლგბტი პირთა უფლებების დაცვის შესახებ.

მიუხედავად არსებული ანტი-დისკრიმინაციული კანონმდებლობისა, რომელიც სექსუალური ორიენტაციის და გენდერული იდენტობის ნიშნით დანაშაულის მოტივებს მოიცავს, და დაცვის რამდენიმე სხვა მექანიზმისა, სადაც სპეციფიკურად მოხსენებულია სექსუალური ორიენტაცია და გენდერულ იდენტობა, დისკრიმინაცია და ლგბტი ადამიანთა მიმართ ძალადობა კვლავ მაღალია, არსებული კანონმდებლობის იმპლემენტაცია კი - სუსტი. საზოგადოებრივ განწყობათა ანალიზი გვაჩვენებს, რომ ნეგატიური დამოკიდებულებები კვლავაც ძლიერია და ხაზს უსვამს არსებულ უფსკრულს კანონდებლობასა და რეალობას შორის.

წინამდებარე ანგარიში წარმოადგენს „ქალთა ინიციატივების მხარდამჭერი ჯგუფის” (WISG) მიერ 2017 წლის იანვრიდან 2018 წლის იანვრამდე პერიოდში წარმოებული სამართლებრივი და სოციალური საქმეების ანალიზს. 2017 წლის საქმეებთან ერთად, ანგარიშში შესულია WISG-ის მიერ 2016 წლის სამართალწარმოების ანგარიშში „არაღიარებული ძალადობა” თავმოყრილ საქმეებზე მიღებული გადაწყვეტილებებიც, რადგან ხსენებულ ანგარიშში მითითებული საქმეების ნაწილის განხილვა გაგრძელდა და დასრულდა 2017 წელს.

"კოალიციამ თანასწორობისათვის" გაეროს უნივერსალური პერიოდული მიმოხილვის ფარგლებში (UPR), საქართველოს თაობაზე შუალედური ანგარიში წარადგინა. ანგარიში აფასებს საქართველოს მეორე ციკლით გადასინჯვის შემდეგ (2015 წლის მოსმენა) გამოცემული რეკომენდაციების შესრულებას. ანგარიში გაეროს ადამიანის უფლებათა საბჭოს წევრი სახელმწიფოების მიერ საქართველოსთვის მიცემული რეკომენდაციების შესრულების პროგრესს, სამართლებრივ ჩარჩოსა და ადამიანის უფლებების დაცვის თვალსაზრისით არსებულ მდგომარეობას აჯამებს.