სტრუქტურული და სისტემური ჰომო/ბო/ტრანსფობია, რომელიც ამგვარ განწყობებს სოციალურადაც აწარმოებს, სახელმწიფოს მხრიდან მრავალი წელია გამოხატულია პოლიტიკური ნების უქონლობაში, შეცვალოს ქვიარ ადამიანებისადმი დამოკიდებულების მძიმე მემკვიდრეობა, და შექმნას სოგი-ს ნიშნით დისკრიმინაციისა და მასთან გადაჯაჭვული ეკონომიკური, შრომითი, ჯანდაცვითი უთანასწორობის აღმოფხვრისკენ მიმართული, პროგრესული სოციალური პოლიტიკის პროექტი.

შეზღუდული შესაძლებლობების მქონე ლესბოსელი, გეი, ბისექსუალი, ტრანსგენდერი და ინტერსექსი (ლგბტი) ადამიანები ყოველდღიურად აწყდებიან შეზღუდულ შესაძლებლობებთან დაკავშირებულ სტიგმას ლგბტი საზოგადოებაში, ისევე, როგორც სექსუალურ ორიენტაციასთან და გენდერულ იდენტობასთან დაკავშირებულ წინასწარგანწყობებს შეზღუდული შესაძლებლობების მქონე პირთა საზოგადოებებსა და ოჯახებში. შეზღუდული შესაძლებლობების მქონე ლგბტი პირები მრავლობითი დისკრიმინაციის მსხვერპლნი არიან სერვისებზე და საჯარო სიკეთეებზე წვდომის კუთხით.

წინამდებარე სახელმძღვანელო შედგენილია სექსმუშაკთა მხარდამჭერი ქსელების (Butterfly, Maggie's) მიერ, Covid19-ის პანდემიის მოცემულობაში*, და მოიცავს რეკომენდაციებს სექსმუშაკებისთვის, კლიენტებისთვის, მესამე პირებისა და მხარდამჭერებისთვის. თარგმანი ადაპტირებულია "ქალთა ინიციატივების მხარდამჭერი ჯგუფის" მიერ.

მსოფლიოს ყველაზე ფართოდ გავრცელებული ლგბტიქ+ ციფრული ფესტივალი დაბრუნდა. ბრიტანეთის საბჭო, BFI Flare-თან თანამშრომლობით, ლონდონის ლგბტქ+ ფილმების ფესტივალის ფარგლებში ხუთ ლგბტიქ+ თემატიკის მოკლემეტრაჟიან ფილმს წარმოადგენს, რომელთა ყურებაც ონლაინ უფასოდ იქნება შესაძლებელი 29 მარტამდე.

ხელმომწერი ორგანიზაციები მივმართავთ საქართველოს მთავრობას, საზოგადოებრივ მაუწყებელს, კერძო ტელევიზიებს ხელი შეუწყონ COVID-19 ვირუსთან და მის პრევენციასთან დაკავშირებული ინფორმაციის გავრცელებას სომხურ და აზერბაიჯანულ ენებზე და მიიღონ პოზიტიური ზომები სიძულვილის ენის და დისკრიმინაციული შინაარსის მქონე ინფორმაციის, მიდგომების გავრცელების პრევენციისთვის.

დღეს მთელი მსოფლიო გლობალური გამოწვევის წინაშე დგას. ყველას საერთო მიზანი ახალი ვირუსით, COVID-19–ით გამოწვეული პანდემიის დამარცხება და ადამიანების სიცოცხლის გადარჩენაა. ბოლო მონაცემებით, მსოფლიოში ვირუსით ინფიცირებული ადამიანების რაოდენობამ 300,000–ს გადააჭარბა, ვირუსით გამოწვეული დაავადებით დაიღუპა 13,000–ზე მეტი ადამიანი და სამწუხაროდ, ვითარება ჯერ კიდევ მძიმდება.

ადამიანთა თანასწორი უფლება და ხელმისაწვდომობა პირველად სოციალური სიკეთეებზე, როგორიცაა ჯანდაცვა, განათლება, ღირსეული შრომის და ანაზღაურების უფლება, არის ის აუცილებელი პირობა, რომელზეც გრძელვადიანი სოციო-ეკონომიკური კეთილდღეობისაკენ მიმართული საზოგადოებრივი და სახელმწიფო მოწყობა შეიძლება იდგეს. სწორედ ესაა რეალური ალტერნატივა იმ უთანასწორობის მაწარმოებელი ეკონომიკური და პოლიტიკური სისტემისა, რომელმაც ვირუსული კრიზისის დროს ყველაზე მკაფიოდ საკუთარი “მოწყვლადობა” დაგვანახა.

ქვიარ აქტივისტების და მოქალაქეთა ინიციატივით ტრანსგენდერი ადამიანების სოლიდარობის ჯგუფი შეიქმნა. ჯგუფის მიზანი COVID-19 პანდემიით გამოწვეული საგანგებო მდგომარეობის პირობებში ტრანს თემის გადაუდებელი საჭიროებებისთვის თანხების მობილიზებაა. პანდემიის მოცემულობაში, განსაკუთრებით დაუცველები რჩებიან ტრანს სექს-მუშაკები, და ზოგადად ტრანს თემი, რომელთა მიმართ სახელმწიფოს არ გააჩნია ქმედითი პოლიტიკა, საბინაო, დასაქმების, ჯანდაცვის სერვისებზე ხელმისაწვდომობის გასაუმჯობესებლად.

WISG-ის ოფისი, კორონა ვირუსთან დაკავშირებით უსაფრთხოების დამატებითი ზომების მიღების მიზნით, დისტანციურ მუშაობაზე გადადის. შესაბამისად, დროებით გადადებულია სათემო შეხვედრები და ინდივიდუალური კონსულტაციების გაცემა ოფისში. ყველა დაგეგმილი კონსულტაციის შესახებ ბენეფიციარებს ინდივიდუალურად ეცნობებათ. გადაუდებელი კონსულტაციის საჭიროების შემთხვევაში, გთხოვთ, დაუკავშირდეთ ჩვენს სოციალურ მუშაკს ნომერზე: 551 46 03 03. ოფისის მუშაბის შესახებ განახლებული ინფორმაციას მომდევნო კვირაში მოგაწვდით.

ფემინისტური ფილმების ფესტივალის „როზადან სიმონამდე“ 2020 წლის გამოშვების ფილმები ქალებს შორის ურთიერთობებზე გვიყვებიან, სხვადასხვა ქვეყანაში, ეპოქასა, თუ პოლიტიკურ წყობაში. ფესტივალს გახსნის გამოჩენილი ფემინისტი ფილოსოფოსის და პრიმატოლოგის - დონა ჰარავეის შესახებ დოკუმენტური პორტრეტი, რომელშიც ის კიდევ ერთხელ ზეიმობს დედამიწაზე ფანტასტიკურ, სიმბიოზურ, მუდმივად ტრანსფორმირებად არსებ(ობ)ებს და ურთიერთობებს, და კიდევ ერთხელ შეგვახსენებს ამბების მოყოლის მაგიურ ძალას და მნიშვნელობას.