ყოვლად დაუშვებელია ის ფაქტი რომ, აჭარის მაუწყებელში თანამშრომლების დევნა გრძელდება მათი კრიტიკული პოზიციების გამო. მენეჯმენტის პოლიტიკასთან შეუგუებლობა ხშირ შემთხვევაში აჭარის მაუწყებლის თანამშრომლებს სამსახურის დაკარგვის, სხვა პოზიციებზე გადაყვანისა და მტრულ და სტრესულ გარემოში მუშაობის ფასად უჯდებათ. თვალშისაცემია, მაუწყებლის თანამშრომლების მიერ დაფუძნებული ალტერნატიული პროფესიული კავშირის საქმიანობისთვის ხელშეშლის ნიშნებიც.

წინამდებარე განცხადებაზე ხელმომწერი ორგანიზაციები მივიჩნევთ, რომ სახელმწიფომ ბავშვის უფლებათა კომიტეტის წევრობის კანდიდატის შერჩევისას უგულებელყო გაეროს რეკომენდაციები კანდიდატის შერჩევის პროცედურასთან დაკავშირებით და ამასთან, კომიტეტის წევრობის კანდიდატად წარადგინა სოფიო კილაძე, რომელიც, ჩვენი შეფასებით, არ გამოირჩევა თანასწორობისა და ადამიანის უფლებების მაღალი რწმენითა და პატივისცემით.

აღნიშნული პრაქტიკა წარსულში წარმატებით გამოიყენებოდა განათლების, ნარკოპოლიტიკის, მშრომელთა, გარემოს დაცვისა თუ ლგბტქი საკითხებზე ორგანიზებული სამოქალაქო პროტესტის წინააღმდეგ. მიგვაჩნია, რომ თამთა მიქელაძის გამოკითხვაზე დაბარების ფაქტი წარმოადგენს სამოქალაქო საზოგადოებასა და ადგილობრივ აქტივისტებზე შესაძლო ზეწოლის ნეგატიური პრაქტიკის გაგრძელებას, რაც საფრთხის ქვეშ აყენებს აქტივისტების საქმიანობის თავისუფლებასა და სამართლიანი პროტესტის საჯარო გამოხატვის უფლებას.

EHRAC-მა „ქალთა ინიციატივების მხარდამჭერ ჯგუფთან“ (WISG) ერთად ევროპის ადამიანის უფლებათა სასამართლოში 2 ტრანსგენდერი კაცის საქმე წარადგინა, რომლებმაც საქართველოს მთავრობისგან გენდერის სამართლებრივ აღიარებაზე უარი მიიღეს. ეს საქმე სასამართლოსთვის შესაძლებლობაა ადამიანის უფლებათა დაცვის სფეროში განმარტოს სტანდარტები ტრასი* ადამიანებისთვის, ისტორიულად მარგინალიზებული ჯგუფისთვის, რომლებიც ინსტიტუციურ დისკრიმინაციას და სტიგმატიზაციას განიცდიან ევროპის ბევრ ქვეყანაში, მათ შორის საქართველოში.

სამწუხაროდ, ეთნიკური უმცირესობების წინაშე არსებული გამოწვევები პოლიტიკური დღის წესრიგის ნაწილი არ არის. უმცირესობების პოლიტიკური მონაწილეობა კვლავ დაბალია, არ არსებობს არც ერთი პოზიტიური მექანიზმი საკანონმდებლო თუ აღმასრულებელი ხელისუფლების დონეზე, რომელიც ამ მონაწილეობას წაახალისებდა და მხარს დაუჭერდა. ადგილობრივ დონეზე ადმინისტრაციული პრაქტიკიდან უმცირესობების ენის განდევნის პრაქტიკა (ძირითადად ქვემო ქართლის რეგიონში) ადგილობრივ თემს თვითმმართველობის ცხოვრებაში ჩართვის შესაძლებლობებს რეალურად ართმევს.

სახალხო დამცველმა 5 ტრანსი ადამიანის საქმე განიხილა, რომელთაც ომბუდსმენს 2018 წელს მიმართეს. მათ ინტერესებს “ქალთა ინიციატივების მხარდამჭერი ჯგუფი” WISG წარმოადგენდა. განმცხადებლები მიიჩნევდნენ, რომ რეფერალური კომისიის დაუსაბუთებელი უარი მათთვის დიაგნოსტიკური პროცედურების დაფინანსებასთან დაკავშირებით, გენდერული იდენტობის ნიშნით დისკრიმინაციას წარმოადგენდა.

პანდემიური ვითარების შესამსუბუქებლად და მასშტაბური სიკვდილიანობის თავიდან ასაცილებლად საერთაშორისო სოლიდარობა და თანამშრომლობა აუცილებელი წინაპირობაა. მიმდინარე ეპიდემია სამომავლოდ იმ ქვეყნებშიც გაზრდის დაავადებების ახალი ტალღების გაჩენის რისკს, სადაც ამ დროისთვის COVID-19-ის კონტროლი ეფექტურად მიმდინარეობს.

17 მაისი (IDAHOT) ჰომოფობიის, ტრანსფობიის და ბიფობიის წინააღმდეგ ბრძოლის საერთაშორისო დღეა. ეს დღე საქართველოში ლგბტქი ადამიანების საჯარო სივრცეში შეკრებისა და მანისფესტაციის დღედ იქცა და წლიდან წლამდე სახელმწიფო ჰომოფობიის მანიფესტირების ერთ-ერთი ნათელი მაგალითია. 2020 წელს კოვიდ 19-ით გამოწვეული პანდემიის ფონზე კიდევ უფრო თვალსაჩინო გახდა ლესბოსელი, გეი, ბისექსუალი, ტრანსი, ინტერსექსი და ქვიარ ადამიანების ყოვედღიური ყოფის სიმძიმე და სახელმწიფოს მხრიდან თემის წევრების რეალური საჭიროებების უგულებელყოფა.

გარდა იმისა, რომ ჩვენ ძალების მაქსიმალური მობილიზებით ვაგრძელებთ მუშაობას და არ ვაპირებთ სხვადასხვა პოლიტიკურად დაინტერესებული ჯგუფების მიერ შექმნილი დღის წესრიგის შესაბამისად დავთმოთ პოზიციები, მნიშვნელოვნად მიგვაჩნია საჯაროდ მოვახდინოთ აღნიშნული კონტრპროდუქტიული ქმედებების სახელდება და მიმდინარე მოვლენების შეფასება.

მაისში, USAID/PROLoG-ის ფინანსური მხარდაჭერით, ქალთა ინიციატივების მხარდამჭერმა ჯგუფმა (WISG) დაიწყო ახალი პროექტი იურიდიული დახმარების საგრანტო კონკურსის ფარგლებში, რომელიც მიზნად ისახავდა ქალებისა და მარგინალიზირებულ ჯგუფებისთვის მართლმსაჯულების ხელმისაწვდომობის გაუმჯობესებას, მათ შორის რელიგიური და ეთნიკური უმცირესობების, ქალების, ბავშვების, შშმ პირების და სექსუალური უმცირესობის წარმომადგენელთა უფლებების დაცვას, საერთო სასამართლოების, საკონსტიტუციო სასამართლოსა და ადამიანის უფლებათა ევროპული სასამართლოს წინაშე.