გამოფენა "ვნებები და უფლებები" თანამედროვე ქართველი არტისტების მიერ სხვადასხვა ვიზუალურ მედიაში (ფოტო/ნახატი/კოლაჟი) შესრულებულ ნამუშევრებს წარმოადგენს, რომელთაც მონაწილეობა მიიღეს WISG-ის 16 დღიანი კამპანიის კონკურსში. 50-მდე მონაწილეს შორის, მოწვეულმა ჟიურიმ ის 16 ნამუშევარი აარჩია, რომლებმაც სექსუალური უფლებების დეკლარაციიდან განსაკუთრებით საინტერესო ვიზუალური ინტერპრეტაციით შემოგვთავაზეს საკითხები, როგორიცაა რეპროდუქცია, რეპრესირებული სექსუალობა, ადრეული ქორწინება, სექსუალური განათლება, იდენტობა და თვითგამორკვევა და სხვა.

წარმოდგენის მიხედვით, „ტარტაროზი“ („საქსეს“ ბარი) ერთადერთი ადგილია, სადაც ღამის ქალღმერთი ნიქსი და მისი ახლობელი (ქალ)ღმერთები იკრიბებიან - ადამიანებისგან დავიწყებული სამყაროს შემქმნელი ღმერთები, გენდერულად არაბინარული არსებები, რომლებიც ერთ დროს თავისუფალ სიყვარულს ქადაგებდნენ. დღეს კი ისინი იძულებულნი არიან ჰეტერონორმატიული მორალით შემოსაღვრულ რეალობაში იცხოვრონ, რომელიც მათ ნამდვილ იდენტობას ახშობს.

29 ნოემბერს, ქალი უფლებადამცველების საერთაშორისო დღეს, კატო მიქელაძის სახელობის 2018 წლის პრემიის განსაკუთრებული ჯილდოს მფლობელი WISG-ის საველე ოფიცერი, ნატა ტალიკიშვილი გახდა. ამასთანავე, ნატა პირველი ტრანსგენდერი ქალია, რომელმაც ეს ჯილდო მიიღო. ნატა უკვე მრავალი წელია თანამშრომლობს "ქალთა ინიციატივების მხარდამჭერ ჯგუფთან", სადაც ის ამჟამად საველე ოფიცერია და მუდმივად ჩართულია ტრანსგენდერი ქალების, განსაკუთრებით კი, სექსმუშაკი ტრანსგენდერი ქალების ცხოვრების ხარისხის გაუმჯობესებაში.

კოალიცია თანასწორობისათვის ეხმიანება ტრანსგენდერთა ხსოვნის დღეს და მოუწოდებს სახელმწიფო ორგანოებს მიიღონ შესაბამისი ზომები ტრანსგენდერთა მიმართ ძალადობის, მათ წინაშე მდგარი ბარიერების საპასუხოდ. 20 ნოემბერი ტრანსგენდერთა ხსოვნის საერთაშორისო დღეა. ამ დღეს ვიხსენებთ იმ ადამიანებს, რომლებიც ტრანსფობიური განწყობებისა და სიძულვილის გამო ძალადობის მსხვერპლნი გახდნენ. 20 ნოემბერი შეგვახსენებს იმ აგრესიაზე, დისკრიმინაციასა და ძალადობაზე, რასაც ტრანსგენდერი ადამიანები ჰომო/ტრანსფობიურ საზოგადოებაში მუდმივად განიცდიან.

12 ნოემბრის ღამეს გმირთა მოედნის ტერიტორიაზე ჯგუფური თავდასხმის შედეგად დაზარალებული ტრანსგენდერი ქალებიდან ერთ-ერთი “ქალთა ინიციატივების მხარდამჭერი ჯგუფის” საველე ოფიცერი ნატა ტალიკიშვილია. დღეს, შსს-ს თბილისის პოლიციის დეპარტამენტის ძველი თბილისის სამმართველოს თანამშრომლებმა აღნიშნულ თავდასხმასთან დაკავშირებით 3 ადამიანი დააკავეს.

12 ნოემბერს, დაახლოებით დილით 2 საათზე, გმირთა მოედის ტერიტორიაზე ორ ტრანსგენდერ ქალს შვიდამდე უცნობი ადამიანი თავს დაესხა და სასტიკად სცემა. ერთ-ერთი დაზარალებული “ქალთა ინიციატივების მხარდამჭერი ჯგუფის” საველე ოფიცერია.

გაეროს დამოუკიდებელი ექსპერტი სექსუალური ორიენტაციისა და გენდერული იდენტობის საკითხებში, ვიქტორ მადრიგალ-ბორლოზი, რომელიც საქართველოში 24 სექტემბრიდან 5 ოქტომბრამდე იმყოფებოდა, WISG-ის ორგანიზებით, ერთ-ერთი სამუშაო ვიზიტისას, ლგბტქი თემის წევრებს შეხვდა და უშუალოდ მოისმინა თემის წინაშე არსებული პრობლემების შესახებ.

ორგანიზაციები „ქალთა ინიციატივების მხარდაჭერი ჯგუფი“ და „თანასწორობის მოძრაობა“ მოგმართავთ დევნილი თემის წევრის დახმარებლად, რომელიც ამჟამად ფატალური დიაგნოზით და მწვავე პნევმონიით იმყოფება ერთ-ერთ ინფექციურ კლინიკაში. ავადმყოფის მდგომარეობა უკიდურესად მძიმეა და მისი სტაციონარული მომსახურებისა და მედიკამენტების ხარჯების დაფარვა, ჩვენი დახმარების გარეშე, შეუძლებელია. თითოეული თქვენგანის მიერ ჩარიცხული თანხა უმნიშვნელოვანესი იქნება ამ ადამიანის სიცოცხლის შესანარჩუნებლად.

16 ოქტომბერს ქალთა ინიციატივების მხარდამჭერმა ჯგუფმა ევროპის საბჭოს რეკომენდაციის წევრი სახელმწიფოების მიმართ სექსუალური ორიენტაციისა და გენდერული იდენტობის საფუძველზე დისკრიმინაციის წინააღმდეგ ზომების შესახებ (CM/Rec(2010)5) განხორციელების მონიტორინგის ანგარიშის პრეზენტაცია გამართა. ანგარიშის მიზანია, შეაფასოს საქართველოს მთავრობის მიერ რეკომენდაციის განხორციელებასთან დაკავშირებით გადადგმული ნაბიჯები 2013 წლიდან 2018 წლამდე პერიოდში.

ადამიანის უფლებების დაცვაზე მომუშავე არასამთავრობო ორგანიზაციები და ჯგუფები უკიდურეს აღშფოთებას გამოვხატავთ თბილისში, ორგანიზაცია „თანასწორობის მოძრაობის“ ოთხი აქტივისტის მიმართ ჰომოფობიური მოტივით განხორციელებული ძალადობისა და მუქარის ფაქტზე. აღნიშნულ ინცინდენტთან დაკავშირებით სამართალდამცავ ორგანოებს მოვუწოდებთ საქმის დროული და ეფექტიანი გამოძიებისკენ და ‘თანასწორობის მოძრაობის’ საქმიანობის გაგრძელების მიზნით შექმნილი მძიმე მდგომარეობის სამართლიანი და ადამიანის უფლებებზე დაფუძნებული მიდგომებით მოგვარებისკენ.