"ქალთა ინიციატივების მხარდამჭერი ჯგუფი" ფონდ ASTRAEA Lesbian Foundation for Justice-ის მხარდაჭერით 2018 წლის 27 აპრილიდან 30 აპრილის ჩათვლით ატარებს ინტეგრირებული უსაფრთხოების ვორქშოფს. ინტეგრირებული უსაფრთხოების კონცეფცია შემუშავებულია ქალი უფლებადამცველების მიერ და მოიცავს აქტივისტების, ასევე ქალთა და ლბტი უფლებებზე მომუშავე ადამიანების და ლბტი ჯგუფის წარმომადგენლების კეთილდღეობის და საკუთარ თავზე ზრუნვის საკითხებს.

"ქალთა ინიციატივების მხარდამჭერი ჯგუფის" (WISG) ორგანიზებით 2016 წლის 2 და 3 ივლისს ქუთაისსა და ბათუმში საინფორმაციო შეხვედრები ჩატარდა. შეხვედრების მიზანს წარმოადგენდა დისკრიმინაციის, სიძულვილით მოტივირებული დანაშაულების და სიძულვილის ენის განსაზღვრა და არსებული ეროვნული და საერთაშორისო კანონმდებლობის მიმოხილვა.

"ქალთა ინიციატივების მხარდამჭერი ჯგუფი" (WISG) და "სტუდიომობილი - აქცენტი მოძრაობაზე" 7-დან 11 მარტის ჩათვლით, ფონდ „კვინა ტილ კვინას“ მხარდაჭერით წარმოადგენს ფემინისტური ფილმების ფესტივალს „როზადან სიმონამდე“. ფესტივალის ფარგლებში, 5 დღის განმავლობაში კინოთეატრ ამირანში საღამოს 19:00 საათზე ნაჩვენები იქნება კინოდოკუმენტალისტ ლია ჯაყელის ხუთი ფილმი. წელს კინოფესტივალი "როზადან სიმონამდე" საქართველოში მცხოვრები სხვადასხვა სოციალური ჯგუფის წარმომადგენელი ქალების ყოფით რეალობას დაეთმობა.